NAPASINGHAP nang sunod-sunod si Jeany nang tumigil ang sinasakyan niyang taxi sa tapat ng mansiyon ng mga Gonzales. Dala-dala ang niluto niyang pork-chicken adobo ay bumaba siya at naglakad papunta sa gate.
"Good afternoon po, Mang Harold. Nandiyan po ba si Ma'am Ichika?" tanong niya sa isa sa mga security guard ng mansion.
Dahil kilala naman siya kaya kaagad siya nitong pinagbuksan. "Yes po, Ma'am Jeany. Pasok na lang po kayo."
"Salamat po," nakangiti niyang tugon at dumiretso na sa loob. "Hello, Manilyn. Nandiyan ba si Ma'am Ichika?" tanong ni Jeany sa isang kasambahay nang makapasok siya.
"Nasa library po, Ma'am Jeany. Tatawagin ko lang po."
"Huwag na, Manilyn. Ako na lang ang pupunta sa kaniya. Salamat." Habang dala-dala pa rin ang adobo ay lakas-loob na tinungo na niya ang librar
