HALOS ayaw gumalaw ng mga paa ni Jeany palabas ng kuwarto ni Nicolo para harapin nila ang mga magulang nito. Ito ang unang beses na madadatnan siya ni Mommy Ichika sa mansiyon ng nobyo. Isang buwan kasi silang tumira sa bahay ng mga magulang nito para doon magpagaling. At hindi rin naman tumagal noon ang ina at kapatid ni Nicolo dahil kaagad na bumalik ng Japan.
"Natatakot ka pa rin ba kay Mommy?" nag-aalalang tanong ng boyfriend nang maramdaman ang pag-aalangan niya.
"H-hindi niya ako gusto para sa'yo, Sir Nic," walang ligoy na sabi ni Jeany. Ilang beses na rin niya iyong sinabi rito. Hindi dahil gusto niyang magkasira ang mag-ina kundi gusto niyang maging open kay Nicolo. "At ayokong magkasamaan kayo ng loob nang dahil sa'kin."
Marahan siyang hinawakan ni Nicolo sa braso at hinaplos
