"GOOD evening ho, Sir Nic," bati ni Jeany sa lalaking amo nang makababa ito ng sasakyan,pagkatapos niyang pagbuksan ng gate.
"Good evening, too," kaswal nitong tugon habang ibinababa ang mga gamit mula sa kotse.
Lumapit siya rito at aktong aagawin ang hawak na laptop bag. "Tutulungan ko na ho kayo, Sir Nic."
Hinila nito sa kamay niya ang bag. "No, thanks. Kaya ko na ito."
"Ako na po. Ang dami n'yong dala, eh."
Ayaw pa rin pumayag ni Nicolo na kunin niya ang laptop bag kaya nag-agawan silang dalawa. Sa paghilahan nila ay aksidenteng nahawakan nito ang kaniyang kamay. Sabay silang napabitaw sa isa't isa na para bang napaso. Bumagsak tuloy ang laptop bag.
Natataranta na pinulot iyon ni Jeany. Pero dahil nakipag-unahan din sa kaniya si Nicolo kaya nagbungguan ang mga noo nila. Natawa na
