NAKANGITI na nagluluto ng adobong manok si Jeany. Pakanta-kanta pa siya habang naggigisa. Nagustuhan niya ang lasa, na siguradong magugustuhan din ni Nicolo. Umuuwi na kasi ito tuwing lunch time para sabay silang kumain. Minsan naman ay hinahatiran niya sa opisina kapag maraming trabaho.
Lumawak ang pagkakangiti ni Jeany nang maramdaman niya ang pagpasok ni Nicolo. Madalas na rin itong makitulog sa unit niya kaya ibinigay na niya ang isang susi.
"Hmm. Ang bango naman." Naglalambing na yumakap si Nicolo mula sa kaniyang likuran. Pagkatapos ay hinalikan siya sa pisngi. "Puwede na bang kainin?"
Marahan na tinapik ni Jeany sa ulo si Nicolo bilang tugon sa ginawa nito. "Malapit na itong maluto. Mga five minutes na lang siguro."
Tumawa si Nicolo habang nakapatong ang baba sa balikat niya. "H
