MADALING araw na ay wala pa rin si Nicolo. Pero hindi naman gaanong nag-aalala sj Jeany dahil nagte-text naman ito sa kaniya. Pinapaalam na nasa trabaho pa raw at may kailangang tapusin.
Habang hinihintay na muling mag-text ang nobyo ay narinig niya na may pumasok sa main door ng kaniyang unit. Excited na lumabas si Jeany dahil ramdam niyang si Nicolo iyon. Ni hindi na siya nag-abalang magsuot ng robe para takpan ang manipis niyang pantulog.
"Sir Nic!" masayang bulalas ni Jeany nang makita ang bagong dating na nobyo.
Nagtaka ito nang makita siya. "My angel! Bakit gising ka pa? O naistorbo ko ba ang pagtulog mo?"
Sinalubong niya ng yakap si Nicolo na kaagad naman nitong tinugon. "Hinintay talaga kitang dumating, Sir Nic. Na-miss kasi kita, eh. Halos isang araw lang kitang hindi nakita
