PAGPASOK na pagpasok pa lang ay kaagad na nakatanggap ng order mula sa kaniyang superior si Nicolo.
"Nakatanggap ako ng urgent letter from NCB-Malaysia na nandito raw ngayon sa Pilipinas ang grupo ng most famous bank robber ng kanilang bansa na si Azwan bin Musa," paninimula ng kanilang Divisional Elite Director na si Mario Martinez. "But before he flew over here, limang malalaking bangko ang sunod-sunod na biniktima niya sa Malaysia. May shoot to kill order na ang Malaysian government kay Azwan at sa grupo niya."
"Kailan ho sila magpapadala ng INTERPOL agent, Sir?" tanong ni Nicolo.
"On the way na ang tatlo nilang agent. Nakipag-coordinate na sa'kin ang director nila." Inabot nito sa kaniya ang kulay-puti na folder. "And I want you to handle the case, Gonzales. Ikaw ang gusto kong maki
