NAGTAKA si Jeany nang tumigil ang sasakyan ni Nicolo sa tapat ng isang malaking establishment na may karatulang Asian School for Culinary Arts and Hotel Management. Mga twenty minutes lang ang layo niyon mula sa condominium unit niya.
"School ito, ah. Ano ang gagawin natin dito, Nic?" tanong niya sa nobyo nang ipasok nito sa loob ng campus ang sasakyan.
"Pag-aari ito ng kaibigan ko at dito ka rin mag-aaral ng Culinary Arts," kaswal na sagot ni Nicolo habang ipinaparada ang sasakyan sa parking lot.
Nanlaki ang mga mata ni Jeany. "H-ha? Mag-aaral ako?"
Pagkatapos na ma-i-park nang maayos ang kotse ay saka pa lang siya hinarap ng kasintahan at sinagot ang tanong niya. "Oo, Jean. I-e-enrol kita rito. 'Di ba nabanggit mo sa'kin noon na gusto mong magkaroon ng sariling carinderia? Well, tut
