"WALA na pala akong gamot para sa lagnat, Sir Nic. Meron ka ba?" tanong ni Jeany kay Nicolo nang pagkatapos nilang kumain at panay pa rin ang bahing nito. May sinat na rin ito kaya sinamahan muna niya sa kuwarto at pinunasan ng maligamgam na tubig. "Ako na ang kukuha. Sabihin mo na lang sa'kin kung nasaan. Magpahinga ka na lang riyan," aniya nang umakto itong tumayo.
"Nasa bulsa ng bacpack ko, my angel. Pakuha na lang, please. Lagi akong may dala niyan kasi bawal akong magkasakit dati, eh. Wala kasing nag-ke-care sa'kin dati," anito sa tonong nagbibiro. "Pero ngayon, mukhang okay lang na magkasakit ako. Kasi may sexy at magandang nurse na ako."
"Tse. Binobola mo pa ako," angil niya kunwari habang hinahanap sa backpack ang gamot na sinasabi ni Nicolo. "Bakit naman walang nag-aalaga sa'yo
