"KINAKABAHAN ako, Sir Nic. Next month agad ang start ng class ko," hindi napigilang sabi ni Jeany kay Nicolo habang hinihintay nila ang inorder nilang pagkain sa isang mamahaling seafood restaurant.
Dito sila dumiretso pagkatapos nilang mag-enrol. Katulad nang sinabi ni Nicolo kanina, nakahanda na lahat ng mga kailangan kaya napabilis ang enrollment process ni Jeany. Ang mismong kaibigan din ng nobyo na si Yule ang nag-asikaso sa kanila. Mabait ito at hindi katulad ng Marites. Ramdam ni Jeany na kaagad siyang tinanggap ni Yule bilang bagong girlfriend ni Nicolo nang ipakilala siya ng nobyo.
"You are so lucky with your boyfriend, Jeany. Sa'min lahat na magkakaibigan ay si Nicolo lang itong one-woman man. Minsan lang kung magmahal pero sobra-sobra naman. Kaya h'wag mo nang pakawalan, ha?
