EXCITED na bumangon si Jeany nang araw na iyon dahil birthday ni Nicolo. Nagkataon naman na wala siyang pasok kaya naisipan niya itong ipagluto at sorpresahin sa trabaho. Wala kasi itong balak na mag-celebrate ng bongga bukod sa special dinner nila mamayang gabi kasama si Don Henry; na gaganapin sa mansiyon ng mga Gonzales.
Kahapon pa lang ay pinamili na ni Jeany ang lahat ng mga kailangan. Kaya kaagad siyang nagluto nang makaalis si Nicolo. Noong nakaraang linggo pa lang ay kinuntsaba na niya si Reuben. Tatawagan niya ito kapag tapos na siyang magluto para magpasundo.
Napag-alaman ni Jeany na malapit si Nicolo sa halos lahat ng mga katrabaho kaya dinamihan niya ang inihandang pagkain. Ginamit niya ang mga natutunan sa school sa loob nang dalawang buwan. Bukod sa chocolate mud cupcakes n
