IMINULAT ni Nicolo ang mga mata nang maramdaman ang banayad na paghinga ni Jeany na mahimbing na natutulog sa kaniyang bisig. Bakas ang pagod sa mukha sa katatapos lang na pagpapaligaya niya rito. Itinaas niya ang kamay at mabining hinawi ang ilang hibla ng buhok nito na nakatabing sa maganda nitong mukha.
Napangiti si Nicolo habang tinititigan si Jeany. Wala pang babae ang nakatulog na sa kaniyang bisig.
She was so lovely that she was making him smile even he was in so much pain. Dahan-dahang inilapit ni Nicolo ang mukha sa nakaawang na mga labi ni Jeany para halikan iyon. Marahan lang para hindi ito magising uli. Napakatagal niyang nangulila sa mga labing iyon. Na kahit sandali lang ang pinagsaluhan nila noon sa Laguna ay nakapagbibigay na nang matinding init sa puso niya. Init na i
