BAGO mag-alas dos ay nag-out na si Nicolo sa trabaho niya para puntahan si Gwen sa police precinct na pinagtatrabahuan nito sa Cubao. Bukod sa ayaw niyang ma-late sa contest ni Elliana, ayaw din ni Nicolo na paghintayin si Gwen.
"Good afternoon, Sir Gonzales!" masayang bati sa kaniya ng mga katrabaho ng kaniyang asawa. Ang ilan sa mga ito ay naging katrabaho niya rin noong nasa Philippine National Police pa siya.
"Hindi pa ba na-i-forward sa'yo ni Pancho ang files ni Master Gong Lee?" tanong ni Police Officer Three Roi Buslon, isa sa mga kasamahan niya noon at ngayon ay nasa team na ni Gwen.
Isa sa protocol ng INTERPOL ang makipag-coordinate sa Philippine National Police kapag may hinahawakang kaso, lalo na sa police presinto na may kinalaman dito. At ang presinto nina Gwen, partikul
