Tanghali na kinabukasan nang lisanin ni Aleigh ang malaking mansion ng mga amo ni Aiza. Sumakay sila ng jeep bitbit ang kaunting gamit ng dalaga. Pagkababa ay naglakad sila ng ilang minuto bago makarating sa mall. Patuloy na gumagala ang mga mata ng dalaga sa nasabing lugar. Bakas doon ang labis na pagkamangha. Noon palang siya nakapasok at nakapunta sa pamilihang mayroong malakas na aircon. Maliit siyang napangiti sa kawalan, hindi inaasahang mararanasan niya ang mga bagay na iyon sa kanyang buhay. Bumili sila dito ni Aiza ng kanyang bagong cellphone, gamit ang perang ini-advance ng kanyang matalik na kaibigan sa amo.
“Kapag nagka day off ka na ay ipapasyal kita dito, Aleigh.” wika ni Aiza habang palabas na sila ng salaming pintuan ng mall, “Kakain tayo sa kahit saang fast food chain na
