Marahang napatungo ang dalaga. Pilit niyang itinatago ang lungkot na bumabalot na sa kanyang mga mata. Ilang beses siyang bumuntong-hininga. Bahagyang nanginig ang kanyang bibig. Ilang beses din siyang napalunok ng sariling laway.
“Aleigh bilisan mo!” malakas na sigaw ni Aiza, sabay nilang nilingon ni Delia si Aleigh na natitigilan pa sa likod nila, “Maiiwanan ka, mas malaki ito sa mansion ng aking mga amo.” dagdag pa ng kaibigan niyang naghihintay sa kanya.
Rumehistro na sa kanyang maamong mukha ang labis na pagkahiya sa dalawa. Natataranta siyang humakbang palapit sa kanila. Pinilit niyang ngumiti, kahit labi niya ay bahagyang nahihikbi nang dahil sa salitang homesick na pinag-usapan nila.
“P-Pasensiya na,” aniyang nahihiyang tumingin sa kanilang dalawa.
Inakbayan siya ni
