Ilang sandali pa ay mahina siyang sinipa ni Mico sa kanyang likod, habang malakas na tumatawa. Malakas siyang sumigaw ng padaing nang dahil sa ginawa nito.
“Gago ka talaga, Dude!” bulalas ni Mico na tuluyan na siyang itinulak pababa ng hinihigaan nilang kama, “Napaka-ulol mo talaga, kahit na kailan!”
“Aray ko naman, Dude, bakit ka nananakit?” masamang lingon sa kanya ni Lacim.
“Loko ka kasi, loko!” muling sigaw nito na tinalikuran na siya, “Tirador ka ng kaibigan!” akusa pa nito sa kanyang nagtaklob na ng kumot sa kanyang ulo.
Iiling-iling na bumangon sa sahig si Lacim, hindi pa rin makapaniwala sa kaibigan.
“Para namang niligawan ko na, wala pa nga!” anitong hinahagod ang beywang na bumalik sa ibabaw ng kanilang kama ng kaibigan, “Mapanakit ka sa akin.”
Alas sais palang ng umaga ay
