Pagkatapos noon ay muling umakyat si Aleigh nang tumawag si Guada sa intercom na nakakabit sa kusina ng mansion. Itinuro niya ang iba pang mga kailangan ng Senyora sa dalagang papalit sa kanyang trabaho.
“Hindi siya nagsusuot ng diaper Aleigh,” anitong tinatantiya ang hitsura ng kausap na dalaga, “Dapat ay maging open minded ka kasi darating ang araw o oras na kailangan mo siyang tulungang maghugas kapag nagbanyo siya.” patuloy nito na agad ikinatango sa kanya ni Aleigh, naunawaan niya naman ito. “Okay lang ba iyon sa’yo?” muling tanong nitong ikinatango niya, “Hindi ka ba mandidiri?”
“Okay lang po sa akin, Ate Guada.” masigasig na muling tugon ng dalaga na nagawa pang ngumiti nang malaki kay Guada, “Madalas ko po iyang gawin sa aking mga kapatid noong bata pa sila.”
Payak na ngumiti sa
