“Bakit mo ba ako isinasama pa, Dude?” malakas na reklamo ni Lacim habang hinihila siya ni Julian palabas ng building ng kanilang opisina, “May plano na kami ni Mico mamaya sa tanghalian kung saan kami pupunta.”
Mainit ang panahon, tanghaling tapat na sa labas ng kanilang opisina ng mga sandaling iyon. Masakit sa balat ang init ng araw, ngunit dahil naka-long sleeve naman sila ay hindi ramdam iyon ng dalawang lalaki. Ang mas ramdam nila ay ang tagaktak ng pawis sa kanilang noo at likod na dalawa.
“Maagang umalis si Mico, ka-lunch date niya ang girlfriend niya. Gusto mo bang kumain ng mag-isa ka?” baling sa kanya ng nakakunot-noong si Julian.
“Ano? E siya itong nag-aya sa akin na sa labas kami kumaing dalawa.” kaagad na nagpantay at naging isang linya ang kanyang mga kilay.
“Tawagan mo p
