Nahihiyang nag-inat si Aleigh habang bumababa sa hagdan. Payapa ang kanyang naging pagtulog ng buong magdamag. Hindi niya rin alam kung humilik ba siya o tahimik lang na natulog na katabi ni Guada. Pinauna na siya ng matandang bumaba. Hihintayin pa raw nitong gumising ang Senyora. Naabutan niyang umiinom ng kape ang mga kasamahan. Unti-unti na rin silang kumakain ng almusal habang maingay na nagku-kuwentuhan.
“Good morning!” masigla at nakangiti niyang bati sa kanila.
Isa-isa silang sumagot sa dalaga, maging si Joy ay bumati rin pabalik sa kanya. Naisip niya na tama ang sinabi ni Senyora, lilipas rin ang tampo nito sa kanya. Mawawala at hindi niya na muling maaalala pa paggising niya.
“Kumuha ka na ng pagkain mo dito, Aleigh.” si Delia na abala sa paghahanda ng magiging almusal ng Senyo
