Malawak ang ngiti ng magpinsang bumalik ng maliit na tahanan nila Freya. Naabutan nila si Felia na balisa at tila mayroong itinatago sa kanilang dalawa ang mga mata.
“Mama, may nangyari ba?” tanong ni Freya na kilalang-kilala na ang ina.
“W-Wala naman Freya, sumasama lang ang pakiramdam ko ngayon.”
“Po? Nilalagnat ba kayo?” mabilis na ipinatong ni Freya ang binila nilang isang buong manok na bitbit niya sa kanilang malapit na lamesa at pinuntahan na ang ina upang ikumpirma kung mayroon ba itong lagnat sa mga oras na iyon, “Wala naman po, ah.”
Blangko ang mga mata ni Aleigh na tumingin kay Aiza na nagkibit lang ng balikat sa kanya. Ipinatong na rin sa lamesa na katabi ng plastic ng manok ang softdrinks na kanilang binili ng kanyang pinsan. Mabagal na siyang lumapit sa kanyan
