Hindi makasagot si Lacim sa mga salitang binitawan ni Julian sa kanya, naisip niya na wala pa nga siyang ginagawa pero ganun na ito kung mag-react sa naging gawi niya. Paano pa kaya kung sabihin niya ditong binigyan niya ng regalo ang dalaga ng lihim? Baka kung ano pa ang gawin at sabihin nito sa kanyang hindi niya lang magustuhan.
“Dude!” apela niya na sinundan na itong humahakbang paakyat ng kanilang hagdan.
“Ano?” masungit na lingon ni Julian sa kanya, “Binabalaan na kita, tigilan mo na iyang nararamdaman mo na tawag lang ng laman. Bata pa iyon, kaka-twenty lang ngayon.”
Malakas na tumawa si Lacim sa reaction ng kaibigan niya, marahan pa siyang napasapak sa kanyang noo nang dahil dito. Hindi niya alam kung bakit nagre-react ito nang ganito. Ayaw niyang isipin na baka may gus
