OLIVIA PAULENE
"MASAKIT PA BA?"
Ito ang mahinahon niyang tanong nang matapos niyang lapatan ng hot compress ang aking pupulsuhan. Sa totoo lang ay hindi ko alam kung paano ako makikipag-usap sa kanya ngayon. Wala akong ibang maisip na gawin kundi titigan na lamang siya.
"Hindi basta-bastang mawawala ang sakit na nararamdaman ko." Masungit kong wika saka inagaw ang kamay ko na hawak niya.
Nabigla siya sa ginawa ko at makikita iyon sa reaksyon ng kanyang mukha.
"Maghanda ka, mayroon tayong pupuntahan." Tumayo siya mula sa gilid ng aking kama at saka kinuha ang hot compress saka akmang lalabas ng kwarto nang magsalita ako.
"Ibanalik mo na ba ako sa mga magulang ko?"
Nahinto siya sa kanyang kinatatayuan at unti-unting tumingin sa akin.
"Sa kasamaang palad ay hindi na kita ibabalik sa
