NAGTAKA si Britney nang sabihan siya ng kanyang amo na isasama siya nito sa casino. Magtatanong pa sana ang dalaga ngunit mabilis din itong lumabas ng kitchen area. Kasalukuyan siyang naglilinis ro’n ng mga pinggan na kanilang ginamit sa dinner. Matapos ang kanyang trabaho ro’n, tumungo siya sa kanilang kuwarto. Naabutan pa niyang nanonood ng korean drama ang dalawang kasama sa sala.
“Oh ano’ng nangyari sa mukha mo? May kalaban ka ba sa kitchen?” tanong ni Kate. Bahagya pang inayos ang pillow na nakapatong sa hita.
Umupo si Britney sa tabi ng pinsan saka dumakot ng chips sa bowl.
“Hulaan ko nag-aso at pusa na naman kayo ni Joel sa kitchen?” segunda ni Cristina. Nakangiti pa ito at tila inaasar ang dalaga.
“Baliw!” asik niya sa pinsan.
“Eh, ano nga ang problema mo? ’Yang itsura mo k
