“PINSAN, pinabibigay ni Joel, kung puwede raw pakiplantsa mo. Kasi inutusan siya ni Sir Bryan, na magdala ng dukumento sa Quezon City,” pahayag ni Cristina sa pinsan. Sabay abot dito ng naka-hanger na pants, t-shirt na puti, at kulay navy blue na suit.
“Bakit ako? Katulong ba niya ako?” masungit niyang turan sa pinsan. Ipinagpatuloy ni Britney ang ginagawang paglilinis ng aquarium. “Ikaw ang kumuha niyan, dapat ikaw ang gumawa.”
“Tutulungan ko si Kate, maglinis ng kuwarto ni sir. Pinapa-general cleaning kasi ni sir, ’yong kuwarto niya. Sige na pinsan, maawa ka naman sa tao.”
“Bakit naman ako maaawa ro’n? Boyfriend ko ba ’yon?”
Inilapag ni Cristina ang gamit ng binata sa itaas ng washing machine at kinuha ang baldeng may mga lamang sabon na panlinis ng banyo.
“Malapit na pinsan. B
