“Oh, bakit parang aligaga ka riyan? May dinaramdam ka ba?” nagtatakang tanong ni Aling Melba kay Britney. Naabutan kasi niya itong palakad-lakad sa kanilang sala.
Umupo si Britney sa sofa at nangalumbaba. “Wala po. Nag-alala lang ako kay Cristina, hanggang ngayon hindi pa rin umuuwi.”
“Aba, oo nga no. Mag-aalas otso na wala pa ang batang iyon, naunahan pa siya ni Kate,” sabi ni Aling Melba. “Siya, ikaw na maghintay, sumasakit na naman ang rayuma ko.”
“Sige po, magpahinga na kayo. Sa garden na lang po ako maghihintay.”
“Huwag kang masyadong magpaabot ng gabi sa labas, malamig na ngayon at baka magkasakit ka.”
Hinintay muna ni Britney na makapasok sa kuwarto si Aling Melba saka siya lumabas. Mismong sa dining na siya dumaan papuntang sala palabas ng maindoor. Ilang sandali pa at ta
