Naikuyom ko ang mga kamao ko dahil sa aking nasaksihan. Mga walang puso. Parang gusto ko silang hagisan ng granada para matapos na ang pahihirap ng mga babaeng aking nakikita.
Tuwang-tuwa pa sila habang tumatangis ang limang mga babae at nagmamakaawa sa kanila, habang sumasayaw nang walang mga saplot sa katawan. Ang nakakagalit pa'y mayroon kumukuha ng video sa mga ito. Gusto ko silang iligtas ngayon gabi kaya gagawa ako ng paraan.
Kaya umikot ang mga mata ko sa buong paligid. Napansin ko ang isa pang daan sa kaliwa. Kaya marahan ang mga hakbang ko upang alamin kung para saan ang daan na iyon. Mabuti na lamang at medyo madilim dito. Ngunit bigla akong napatago sa likod ng bato nang marinig kong may papalapit.
"Ihanda ninyo ang mga babae para sa laban mamaya. Siguradong malaking pera n
