"Ang sungit mo na naman," sabi ko rito sabay higa sa tabi ni Frank.
"Hindi ako natutuwa sa lalaking iyon!" bulalas pa nito.
"Wala naman ginagawang masama si attorney Revas. Saka bestfriend ko lang iyon," paliwanag ko sa lalaki.
Wala na akong narinig na sagot ni Frank sa aking mga tinuran. Pero nakikita ko pa rin sa mukha nito ang pagkainis. Kaya naman hinimas ko ang kilay nitong magkasalubong.
"Masyado kang kasungit. Tingnan mo tuloy ang tanda muna. Parang lolo na kita. Samantalang 34-years old ka pa lang naman," wika kong mapang-asar.
Bigla itong nagmulat ng mga mata at tumingin sa akin ng masama na may pagbabanta. Kaya naman bigla akong napatawa ng malakas. Kasi lalong nagdilim ang mukha nito.
Ngunit mas nagulat ako nang bigla akong hilahin papalapit sa katawan niya. At mahigpit ri
