Nagtatakang tumingin sa akin ang tauhan ni Frank. Kaya nagbigay ako ng tingin dito na sumang-ayon na lamang sa nais ko. Ramdam ko rin ang kaba sa dibdib nito nang biglang bumaling sa amo niya.
Tumingin din ako kay Frank. At nakita ko sa anyo nito ang pagdilim ng awra nito. Para bang ano mang oras ay mananakal ng tao. Pero isang ngisi lamang ang ibinigay ko rito. Agad kong hinila si Kuya Hill papalapit kay Frank upang tuluyang magpaalam.
Gusto kong humagalpak ng tawa. Dahil nakasunod ang mata nito sa paghawak ko sa katawan ng tauhan nito.
"Sir, Frank, Miss, Ganda. Kami ay tutuloy na para naman makapag enjoy kami ngayon gabi ng aking mahal," saad ko pa, sabay hilig din ulo ko sa balikat ni Kuya Hill. At lalong nagsalubong ang kilay ni Frank dahil sa aking ginawa.
Tumango sa akin ang baba
