Hindi ako puwedeng magpahalata na kilala ko na ito. Mukhang natunugan nito ang pagpunta namin dito sa resort. Talagang mautak ang lalaking ito. Hindi puwedeng mahuli ako nito kailangan ko makipagsabayan sa larong inumpisahan nito.
"Kuya, puwede ka nang pumunta sa banyo para maglinis doon," wika ko pa. Ngunit hindi ako umaalis sa aking pwesto. Nandito pa rin ako sa harap ng pintuan.
Ayaw kong tumakbo. Gusto kong makipaglaro sa lalaking ito. Lumingon siya sa akin. At nakita kong nagsulat sa papel na dala-dala nito.
"Sige po maglilinis muna ako ng banyo. Kumain na rin po kayo Ma'am. Masarap po ang foods sa resort na ito," pagbasa ko sa nakasulat sa papel.
Nagkibit-balikat ako bago muling nagsalita. "Okay," maikling sagot ko. Ito naman ay lumakad papunta sa banyo. At pinangatawanan talaga
