Nakita kong namutla ang mga nurse sa aking mga tinuran. Pero nagulat ako nang biglang magsalita ang isa pang babaeng nurse.
"Miss, kailangan muna namin masiguro kung mayroon nga kayong ibabayad sa hospital na ito," sabi sa akin ng babae.
Kaya naman lalong nag-init ang bungo ko sa mga tinuran ng nurse. Kaya hindi na ako nagsalita agad kung binuklat ang mini bag kong dala para kumuha ng pera. Mabuti na kang at mayroon akong cash.
Pagkakuha ko ng pera ay agad ko iyon inilagay sa kamay ng babaeng nurse hindi ko na nga binilang kung magkano iyon.
"Now, gamutin na ninyo ang itay ko!" malakas na sigaw ko dahil nakikita kong sobrang namumutla na nito. Nagsikilos naman ang ibang nurse. At ang tanging naiwan ay ang babaeng may hawak ng pera at ang aking kakambal. Si inay naman ay sumama sa loob
