"Magkakilala kayo?" naubusan ng hangin sa baga na tanong ko.
Gusto kong tampalin ang noo ko sa kabobohan ko. Paano nga naman masasabi ni Rasheed ang panliligaw na ginagawa niya sa akin kung hindi sila magkakilala ni Manuel?
"Magkaibigang matalik sila ni Armand, Mikoy," pagbibigay alam niya sa akin.
Bumagsak ang panga ko. Tinignan mo nga naman ang pagkakataon. Mag-best friend pala ang mga lalaking may koneksiyon sa amin ni Manuel.
"Last week ay inimbitahan niya kaming mag-dinner kasama ang ilan pa nilang malalapit na kaibigan. Ganon ang prinsipe kapag nabo-boring siya. Biglaan na lang magtatawag para may makasama siyang kumain. Pagkatapos ng dinner ay nagkaroon sila ng pagkukuwentuhan. At naikuwento nga niya na interesado siya sa isang nagtatrabaho sa mall. Sinabi rin niyang bago ka
