"Cheers, Mikoy," malamyos na sabi sa akin ni Rasheed. Matamis naman akong ngumiti sa kanya bago ko siya sinagot.
"Cheers, Rasheed."
Pinagpingki namin ang aming wine glasses bago kami sumimsim sa laman nitong alak.
Katatapos lang naming pagsaluhan ang isang masarap na dinner bilang selebrasyon ng ikaanim na buwan ng aming relasyon.
Malalagkit ang mga tingin na ibinabato niya sa akin kanina pa at alam kong may ipinapahiwatig ang mga iyon.
Alam kong sabik na sabik na siya sa akin. Ilang buwan na ring tanging mga halik, yakap, haplos, at pisikal na pagpapaligaya lang ang namamagitan sa amin mula nang sagutin ko ang inialay niyang pag-ibig sa akin. At iyon ang dahilan kung bakit lalo siyang napapamahal sa akin at hindi ang mga alahas, damit o mamahaling kagamitan na madalas niyang ireg
