Sa dinner na kami muling nagkita ni Manuel.
Tila pa nga pareho kaming nagkakahiyaan na magpinsan. Sa parte niya ay naiintindihan ko. Sino ba naman ang hindi mahihiya sa taong naging saksi habang inaangkin ka ng lover mo? Kahit magpinsan kami, alam kong hinding-hindi niya gustuhin na mapanuod ko ang ginagawa nila ng kanyang nobyo na isang napakapribadong bagay. Ang hindi ko maintindihan ay ang sarili ko. Hindi ko maintindihan kung bakit nahihiya rin ako sa pinsan ko dahil sa ginawa ni Rasheed sa akin kanina samantalang wala naman siyang alam tungkol doon. At hindi lang ako sa kanya nahihiya. Nahihiya rin ako kay Rasheed kahit pa sinabi niyang hindi siya nandidiri sa ginawa niya at hindi dapat pandirihan ang bagay na iyon. Kapag nga napapatingin ako ay Rasheed at napapatingin din siya sa a
