Naging mas makulay, mas makabuluhan, at mas inspirado ang buhay ko simula nang maging kami ni Rasheed. Ipinakita niya sa akin sa araw-araw, magkasama man kami o hindi kung gaano niya ako iniingatan, pinapahalagahan, at minamahal. Hindi ko maipagkakaila na mas naging malaya akong ipakita ang nararamdaman ko sa kanya kesa noon kay Gabriel.
Lubusan ko na ring natanggap sa sarili ko na kapalaran ko talagang magmahal ng isang lalaki ring tulad ko. At dahil sa pagtanggap kong iyon ay mas naging bokal ako sa pagsasabi kay Rasheed ng mga katagang hindi ko nasasabi kay Gabriel noon.
Masaya kaming dalawa. Naiintindihan kong mahal niya talaga ako kaya kung minsan ay protektadong-protektado niya ako at palaging pinapaalalahanan sa mga nakakasalamuha ko. Alam ko ring seloso siya kaya naman iniiwasa
