Biyernes pa lang ngayon ngunit naghahanda ako hindi upang pumasok sa trabaho kundi upang sumama kay Rasheed sa sinasabi nitong weekend getaway. Ipinagpaalam niya ako sa manager ko kahapon at hindi naman ito nagdalawang salita. Napapailing na nga lang ako kahapon habang pinapanuod siyang nakikipag-usap sa prinsipe sa phone dahil kulang na lang ay ipamigay na niya ako at sabihin kay Rasheed na huwag na akong isauli.
Perks of having a prince as your boyfriend.
Iyan ang sabi ni Manuel. Kasama kasi namin sila ni Armand para sa getaway namin ni Rasheed. Mukhang planado ito ng magkaibigan para sa aming magpinsan dahil ang sabi raw ni Armand kay Manuel na rason ay upang makapag-relax naman kami. Katulad ko rin kasi si Manuel na seryoso at subsob sa trabaho.
Bilib din naman ako kay Armand at
