Late na naman akong nagising kinabukasan kaya naman ang kinain ko na ay brunch. Nahihiya pa ako habang pinagsisilbihan ako ni Julia. Paano naman kasi, late na naman akong nagising dahil kay Rasheed. Pangalawang araw ko pa lang rito ngunit tila ubos na ang lakas ko sa pagkaaktibo ng lalaking iyon pagdating sa pakikipagniig.
Nang matapos ako sa pagkain ay hinugasan ko ang pinagkainan ko habang abala si Julia sa paglilinis sa kuwarto ko. Wala naman na siyang lilinisin doon dahil inayos ko naman ang higaan ko. Nakakahiya naman kung maaabutan niya ulit iyon na maraming kalat at nangangamoy.
"Sir, why did you wash the dishes?!"
Malakas kong nabitawan ang basong hawak ko na lumikha ng malakas na tunog dahil sa gulat ko sa bigla niyang pagsulpot st pagsasalita. Sabay kaming napatingin sa baso
