Napakaputi niya. Kahit malayo ako sa kanya ay kumikinang ang kanyang kaputian. Kung hindi lang ako nakatitiyak na siya so Jade ay iisipin kong isa siyang dalagita dahil sa hanggang balikat niyang kulot na buhok. At habang papalapit siya nang papalapit ay lalong tumitingkad ang kagandahang lalaki niya. Napakaamo ng kanyang batang-bata na mukha. Kung hindi ko lang alam na nurse na siya ay iisipin kong nasa disinueve lang ang edad niya. Balingkinitan ang kanyang katawan na kung tutuusin ay payat na para sa akin. Nang may nilingon siya ay nasulyapan ko ang mabilog niyang likuran.
Napalatak ako mula sa aking kinaroroonan. Ngayon ko nakumpirma ang hinala ko na dahilan kung bakit nakipag-agawan pa ang hari sa kanyang anak dahil sa lalaking ito. Kahit sinong straight na lalaki ay babaliko kung i
