Late na akong nagising kinabukasan ngunit napakabigat pa rin ng pakiramdam ko. Pinilit ko ang bumangon dahil hindi ko na matiis ang pagkalam ng sikmura ko kahit na ang gusto ko sana ay maghapon na lang humiga. Hindi na nga pala ako nakakain kagabi dahil sa sobrang stress ko sa mga kaganapan sa trabaho ko.
Alas diyes na ng umaga kaya pala nagwawala na ang tiyan ko. Dumiretso ako sa banyo at naghilamos. Nagsepilyo na rin ako at nang matapos ay inihanda ko na ang mga kakainin ko. Nagsaing na ako at balak na noodles na lang ang lulutuing ulam nang magulat ako sa magkakasunod na pagkatok sa pintuan ng apartment.
Magkadikit ang mga kilay na tinungo ko ang pinto. Sino kaya ang bisita ko? Akmang bubuksan ko na iyon nang mapatingin ako sa aking sarili at napalatak nang malakas. Suot ko pa rin a
