"Bakit ayaw mong sagutin ang tanong ko?"
Tinignan ko si Manuel nang may halong inis.
Bumuntonghininga muna siya bago sumagot.
"I'll be honest with you, Mikoy, at sasabihin ko lang ang alam ko. Huwag mo na lang sanang sabihin na nakuwento ko sa'yo. Ayokong madagdagan pa ang away namin ni Armand dahil dito," pakiusap niya. Tumango ako nang sunud-sunod sa kanya.
"Tayo lang ang makakaalam," paniniguro ko.
"Sige. Sa pagkakaalam ko, nagkaroon na sila ng mga affairs noon pero hindi naman seryoso tulad ng sa inyo ngayon. Mga flings, ganon lang. Nasabi ko na sa'yo na sa bansang ito, kahit bawal ang pareho ang kasarian na magkaroon ng relasyon, meron at meron pa ring sumusubok dahil nga privileged sila katulad nina Rasheed at Armand. Besides, iyong mga iyon ay parte na ng nakaraan nila. Ang
