"Bakit ako naririto?"
Nagtataka kong tanong sa aking sarili nang panumbalikan ako ng malay at makitang nasa loob ako ng school clinic.
"Ano ba ang nangyari?" nagtataka kong tanong. Pinilit kong alalahanin kung ano ba ang nangyari sa akin at nagising na lang akong naririto na sa lugar na ito.
Ang unang bumalik sa isipan ko ay ang pagsundo sa akin ni Marco sa classroom ko. Hindi ko makakalimutan iyon dahil napagod ako sa pagbaba mula sa 4th floor hanggang sa 1st floor dahil ayaw ng kasama kong sumakay sa siksikang elevator.
Ikalawa ay ang pag-uusap namin ni Yuri habang kumukuha si Marco ng pagkain namin. Hindi ko makakalimutan iyon dahil nakita ko iyong kakaiba niyang handwriting.
Ikatlo ay ang panunukso sa amin ni Marco na pati ang mga pagkain ay ginagamit niyang pang-hugot para sa
