PAGKAHATID ni Phillip sa tigreng nagkatawang-tao sa tahanan ng mga ito’y dumeretso na siya sa kanilang bahay, pero habang papalapit siya sa bakuran nila’y mas lumalakas ang kabang sumasalakay sa kanya.
“Ano ba’ng nangyayari sa akin, ha? Bakit ganito ang pakiramdam ko?” bulong ng binata sa sarili dahil talagang hindi siya mapakali.
Ilang araw na ring may bihag silang magkakaibigan kaya naman nakasanayan na niyang umikot muna sa likod-bahay nila bago pumasok.
“Kompleto naman sila. Ano kaya ang ibig ipakahulugan ng kabang ito?” muli ay bulong niya sa sarili habang pabalik sa bahay.
Papasok na sana siya nang tumunog ang cell phone niya kaya naman agad niya itong sinagot without knowing who’s the caller.
“Yes? What can I do for you?” he answered na ang isip ay si Tigreng Nagkatawang-tao an
