“S-SIR, sorry po kung nadistorbo kita p-pero kanina pa po kasi may naghahanap sa inyo pero hindi po kita matawag-tawag dahil busy po kayo,” namumutla at halatang natatakot namang paliwanag ng mayordoma.
“Kanina ka pa ba diyan? Kung may naghahanap sa akin, bakit hindi n’yo ako tinawag para maharap ko kung sinuman siya?” Sa unang pagkakataon ay naging mabalasik ang don sa matagal na nilang kasama sa bahay, o mas tamang sabihing ang taong nagpalaki kay Jhay-R bukod sa don.
Halatang takot at may narinig ang matanda dahil sa pamumutla nito na halos hindi na makapagsalita. Umiling na lamang ito na mas nagpabalasik sa mukha ng don.
“Inuulit ko, may narinig ka ba? Sagot!” malakas pa rin nitong tanong.
Siguro dahil sa may nalalaman na ito ay hindi na talaga ito nakapagsalita bagkus ay napaatras
