Malapad naman ang kama ni Ice. Pero iyong katotohanan na kaunting espasyo lang ang namamagitan sa kanilang dalawa ay sapat na para mabaliw si Vivian. Kung bakit kasi pumayag pa siya na tumabi rito. Mas kampante pa sana siya sa sofa kahit alam niyang posible siyang mahulog doon dahil malikot siyang matulog.
Ginawa ni Vivian ang lahat para magkaroon ng distansiya sa pagitan nila ni Ice. Halos hindi na siya gumagalaw sa kinahihigaan. Kulang na lang ay manigas siya. Balot na balot din ang kaniyang katawan ng comforter na itinalukbong niya para lang siguruhin na hindi masasagi ni Ice ang ano mang parte ng kaniyang katawan. Hindi dahil sa nandidiri siya kundi hindi lang niya sigurado ang magiging reaksiyon ng kaniyang katawan kapag nangyari iyon.
Pinakiramdaman ni Vivian ang binata. Tulad ni
