Two months later...
Maagang nagising si Vivian para maghanda ng almusal nila ni Ice. Dalawang buwan na rin ang lumipas simula nang makarating sila sa Washington nang ligtas. Sa bahay niya pa rin sila dumiretso at doon niya itinago ang binata habang nagpapagaling ito. Kunwari ay may kinuha siyang kasambahay. Pero ang totoo, isa itong private doctor na binayaran nila nang malaking halaga para mag-check sa kalagayan ni Ice hanggang sa gumaling ito.
Matinding pinsala kasi ang inabot noon ni Ice nang dahil sa pag-torture ni Joaquin Saturno. Malalalim ang sugat at paso sa katawan nito. Pero ngayon, sa awa ng Diyos ay unti-unti nang bumabalik sa normal ang katawan ng binata. Bagaman at nag-iwan ng mga peklat ang maraming sugat nito. At ang pinakamasama ay naapektuhan ang mental health nito na
