Hindi na naabutan ni Vivian si Ice paglabas niya ng bahay. Kahit nang sumilip siya sa labas ng gate ay hindi na niya natanaw ang sasakyan na ginamit nito. Mabuti na lang at naalala niya na naka-shared location pala sila sa Gogle Map. Ginawa iyon noon ni Ice para ma-monitor ang kaligtasan niya.
Dali-dali na binalikan ni Vivian ang cellphone niya sa loob ng bahay. Pagkatapos niyang buksan ang Gogle Map apps ay pumunta siya sa kaniyang profile picture. Pinindot niya ang option na "Location Sharing" at t-in-ap ang location ni Ice. Unti-unting kumunot ang noo niya nang sa wakas ay nakita niya ang lugar na tinatahak nito. Hindi pa nila iyon napuntahan nang magkasama at medyo malayo sa siyudad.
Sino naman kaya ang posibleng puntahan ni Ice sa lugar na iyon? Doon ba nito itinatago ang babae nit
