Pagkabalik ni Vivian sa camp site ay hiningal at nagutom na siya. Dahil wala pa rin sina Stephen at Ice kaya nauna na siyang kumain. Imposible rin naman na sasabay siya sa mga ito kung sakali.
Sausage at ham na lang ang kinain ni Vivian. May ibang campers siyang nakasabay sa pagkain at nagbigayan sila ng makakain. Nagyaya pa ang mga ito na sumali raw siya sa activities ng mga ito mamayang gabi. Kahit wala gaano sa mood ay pumayag pa rin ang dalaga. Kung ganito na iniiwasan niya si Ice at hindi naman niya kaya pang harapin si Stephen dahil sa pandidiri ay mas mabuti na may kausap muna siyang iba. Kahit pa grupo iyon ng babaeng kasama ni Ice kanina, si Jaja. Doon niya nalaman na hindi pala nito nobyo ang lalaking inakala niya kanina na karelasyon nito kundi kapatid.
"Basta join ka sa'min
