Hindi alam ni Vivian kung gaano katagal ang naging biyahe nila. Pero feeling niya ay bagot na bagot siya. Halos kibuin-dili kasi siya ng kasama niya. Malapit na ngang mapanis ang laway niya. Kung hindi lang talaga ito magandang lalaki at masarap nakawan ng tingin, siguradong nainip na siya nang tuluyan.
"We're here," kuha ng lalaki sa atensiyon niya nang tumigil ang sasakyan nila sa tapat ng isang three-storey na apartment.
Simple lang ang disenyo niyon at medyo may kalumaan na rin. Parang hindi iyon angkop sa mamahaling sasakyan na binabaan nila. Sabagay, alam naman niya na pag-aari ng Kuya Hendrix niya ang kotse na iyon.
Mula sa bintana ng kotse ay nakita ni Vivian na may mangilan-ngilang snow ang nahuhulog mula sa langit. Nakalimutan nga pala niya na magdala ng gloves. Pinagsalikop
