Nang makita ni Ice na pumasok na sa loob ng banyo si Vivian para maligo ay dali-dali niyang kinuha ang cellphone nito at binuksan iyon. Hindi niya sinasadyang makita ang pattern lock nito noong magkatabi sila sa kama niya sa Pangasinan. Inakala siguro ng dalaga na tulog na siya kaya hindi nito inakalang nakita niya iyon nang buksan nito ang cellphone.
Walang balak si Ice na i-invade ang privacy ng dalaga dahil bukod sa nirerespeto niya ito ay ayaw din niya itong magalit sa kaniya. Napaisip rin siya sa taong nag-utos kay Stephen para ipapatay ito. Dahil ayon sa inutusan niya para mag-imbestiga at katatanggap lang niya ngayon ng resulta, wala raw itong nakitang connection ng lalaki sa The Mobster. Kaya posible raw na personal na kaalitan ng dalaga ang gustong magpapatay rito at hindi ang m
