Drizella Genet’s POV
“Cheers pa!”
Napahilot ako sa sintido ko habang pinapanood sila na nagkakatuwaan sa pagbanggan ng mga bote ng alak nila. Hindi ko akalain na mapapanood ko mula simula ang pag-iinuman nila ng alak sa isang club dito sa France. Mabuti na lang at nasa second floor kami at may pa U na sofa.
Sa gitna halos wala ng mailagay sa sobrang dami ba namang alak na naubos na nila. Pagagawan ko talaga ng certificate ang mga ‘to sa sobrang lakas uminon. Best in inuman.
Napatingin ako kay Pierre na nasa harapan ko. Katabi niya si Dexter. Hawak ni Pierre ang isang bote, naka-dekwatro ang kanyang hita at nasa akin ang tingin.
“Are you okay, Honey?”
Nanlata ako sa itinawag sa akin ni Pierre. Nag-iwas ako ng tingin sa kanya na parang hindi ako ang tinawag niya.
