NAGISING ako sa isang malamig na pakiramdam. Parang may malamig na bagay na nakadikit sa pisngi ko. Una ay sa kaliwa, sumunod naman sa kanan. Hindi nagtagal ay pati ang ilong at noo ko ay malamig na rin. Nang sa mata ko na naramdaman ang lamig ay unti-unti na ‘kong dumilat.
“Sarap ng tulog mo?” Nakangiting tanong ng pinakamagandang mukhang nasilayan ko. She was sitting cross legged beside me on her part of the bed at may hawak na isang baso ng shake. Iyon ang shake na binili namin noong gabi at iniwan sa freezer.
“Kanina ka pa gising?” tanong ko habang nag-iinat. Doon ko napansing may takip ng unan ang beywang ko hanggang tuhod. Nang mapansin ni Lai na nakatingin ako sa unan ay pinitik niya ang ilong ko.
“Tinakpan ko kasi parang may nauna kasing magising!” biro niya
