PAGDATING ko sa sala dala ang susi ng kotse ay nakaupo pa rin si Lai sa sofa. Her eyes were closed. Bagay na bagay sa kanya ang puting sapatos at red na sling bag na parehong galing sa closet. Marahil ay nabasa niya na rin ang mga card na nakakabit doon.
I sighed. Sino ba ang niloloko ko nang isiping naka-recover na ‘ko kay Nicolai? Saang banda kaya ako naka-recover kung lahat ng ginagawa at pinupuntahan ko ay laging kasama siya? Ang lock code ng bahay, ang program ng kotse, ang mga regalo at sulat na naipon at higit sa lahat, ang hindi ko pagpansin sa kahit na sinong babae sa loob ng limang taon. Ang totoong nararamdaman ko ay matinding takot na hindi na niya ‘ko matatanggap kahit kailan. Ang pangamba na masasaktan akong muli kung sakaling ipagtabuyan niya ‘ko at piliting layuan n
